काठमाडौँ । प्रमुख निर्वाचन आयुक्त अयोधिप्रसाद यादवले भरतपुर घटनाले आयोगलाई चिन्तित बनाएको बताएका छन । उनले घटनाले भविष्यको लागि पाठ समेत सिकाएको बताएका छन । मंगलबार नेकपा एमालेका नेताहरुको ध्यानाकर्षणमा आयोगको तर्फबाट भनाइ राख्दै यादवले हार्न लागेपछि मतपत्र च्यातेर पुनः मतदानमा जाने पद्धति बस्न नदिन आयोग सचेत रहेको बताए । यादवले आयोगले कसैको दबावमा परेर निर्णय नगर्ने र लोकतन्त्रको मूल्य मान्यतालाई मर्न नदिने बताए । भेटमा सहभागी नेकपा एमालेका नेता कृष्णगोपाल श्रेष्ठले प्रमुख आयुक्त यादवले आयोगको अनुगमन टोली, सुरक्षा निकाय र मानवअधिकारको प्रतिवेदन हेरेर लोकतान्त्रिक पद्धतिलाई असर नगर्ने गरी निर्णयमा पुग्ने बताएको जानकारी दिए ।
१६ जेठ २०७४
वि.सं.२०७४ जेठ १६ मंगलवार १५:०४ मा प्रकाशित
