काठमाडौ। त्रिभुवन विश्वविद्यालय, परीक्षा नियन्त्रण कार्यालय, बल्खुले प्रवीणता प्रमाणपत्र तह दोस्रो वर्ष र स्नातक तह दोस्रो वर्षको परीक्षा तालिका सोमबार सार्वजनिक गरेको छ । परीक्षा नियन्त्रण कार्यालयले ३ वर्षे स्नातक तह दोस्रो वर्षको मानविकी, विज्ञान, कानुन र शिक्षाशास्त्र संकायको नियमति, प्राइभेट, पूरा तथा आंशिक परीक्षा असार २३ गतेबाट सुरु हुने तालिका सार्वजनिक गरेको हो ।
प्रवीणता प्रमाणपत्र तह दोस्रो वर्षको सबै संकायको परीक्षा भने असार २५ गतेदेखि सुरु हुँदैछ । प्रवीणता प्रमाणपत्र तह त्रिभुवन विश्वविद्यालयबाट फेज आउट भइसकेको कार्यक्रम हो ।
परीक्षा नियन्त्रण कार्यालयले ०५९ मा पहिलोपटक परीक्षामा सहभागी भएका दुवै तहका परीक्षार्थीलाई यसपटक अवसर दिएको छ ।
प्रकाशित मितिः २०७४ जेठ २२
वि.सं.२०७४ जेठ २२ सोमवार १२:५४ मा प्रकाशित
