ललितपुर । ललितपुरको हात्तिवनस्थित लिटल एन्जल्स बोर्डिङ स्कुलको स्विमिङ पुलमा डुबेर एक बिद्यार्थीको रहस्यमय ढंगले मृत्यु भएको छ ।
विद्यालयको होस्टेलमा बसेर कक्षा ८ मा अध्ययनरत धनुषाका १४ बर्षिय राहुल शाहको हिजो साँझ डुबेर मृत्यु भएको प्रहरीले जनाएको छ । यद्यपी शाहका परिवारले भने हत्या भएको दाबी गरेका छन् ।
शाहलाई डुबेको अबस्थामा देखेपछि उद्धार गरी अस्पाताल लैजाने क्रममा बाटोमै मृत्यु भएको प्रहरीको भनाई छ । उनको शव पोष्टमार्टमको लागि महाराजगञ्जस्थित त्रिवि शिक्षण अस्पातालमा राखिएको छ ।
यसैबीच बालकका आफन्तले राहुलको मृत्यु स्वाभाविक नभई हत्या भएको भन्दै प्रहरीमा जाहेरी दिएका छन् । सुरक्षा घेरामा रहने होस्टल भित्रै डुबेर मृत्यु हुनु रहस्यमय भएको भन्दै आफन्तले विद्यालयका सञ्चालक उमेश श्रेष्ठ, विद्यालयका प्रिन्सिपल, होस्टल वार्डेन लगायत ४ जना बिरुद्ध किटानी जाहेरी दिएका हुन् ।
मृतकका ठुलोबुवा सत्यनारायण शाहले पौडी खेलेर खोला वारपार गर्ने क्षमता भएको राहुलको डुबेर मृत्यु हुन असम्भव रहेको भन्दै हत्या गरेर उनलाई स्विमिङ पुलमा फालिएको आरोप लगाए । रेडियो कान्तिपुरबाट
प्रकाशित मितिः २०७४ जेठ २३
वि.सं.२०७४ जेठ २३ मंगलवार १५:२२ मा प्रकाशित
