काठमाडौ । सोमबार सेयर बजार परिसूचक नेप्से ९.९७ अंकले घटेर १५८०.५२ अंकमा कायम भएको छ । कारोबार भएका सबै समूह रातो रंगले पोतिएका छन् अर्थात ओरालो लागेका छन् ।
बजारमा सबैभन्दा धेरै बीमा समूह ८१.०६ अंकले घटेको छ । बैंकिङ, होटल, विकासक बैंक, जलविद्युत्, फाइनान्स, उत्पादनमूलक र अन्य समूह क्रमशः ७.४९, २८.९९, १२.९८, २३.३८, २.४, ७.३ र १.७३ अंकले घटेका छन् ।
आईतबारको तुलनामा कारोबार रकममा पनि गिरावट आएको छ । यसदिन १३८ वटा कम्पनीको सात लाख ९८ हजार छ सय १३ कित्ता सेयर छ हजार सात सय २३ पटक खरिदविक्री हुँदा जम्मा ४९ करोड ८८ लाख ९६ हजार तीन सय ५४ रुपैयाँमा खरिदबिक्री भए । आइतबार नेप्से परिसूचक २४.७० अंकले घट्दा पनि ७१ करोड १३ लाख रुपैयाँको कारोबार भएको थियो ।
सोमबार आरएसडीसी लघुवित्तको सबैभन्दा धेरै पाँच करोड ४४ लाख ९३ हजार रुपैयाँको कारोबार भएको छ भने नेपाल लाइफ इन्स्योरेन्स र स्टान्डर्ड चार्टर्ड बैंकको क्रमशः तीन करोड ५७ लाख र तीन करोड ४२ लाख रुपैयाँको सेयर कारोबार भएको छ । हिमालयन जनरल इन्स्योरेन्स, एभरेष्ट बैंक, नविल बैंक, नेपाल बैंक, प्रभु बैंक र सानिमा बैंकको एक करोडमाथिको कारोबार भएको छ भने प्राइम लाइफ इन्स्योरेन्सको ९९ लाख रुपैयाँको कारोबार भएको छ ।
प्रकाशित मितिः २०७४ जेठ २९
वि.सं.२०७४ जेठ २९ सोमवार १६:४२ मा प्रकाशित
