काठमाडौ। जनता बैंक र सिद्धार्थ बिकास बैंकले शुक्रबार देखि एकीकृत कारोबार सुरु गरेका छन्।सिद्धार्थ डेभलपमेन्ट बैंक एक्वायरपछि जनता बैंकले एकिकृत कारोबार सुरु गरेको हो । एकिकृत कारोबारको नेपाल राष्ट्र बैंकका कामु गभर्नर चिन्तामणी शिवाकोटीले आरम्भ गरेका हुन् ।
७ अर्ब चुक्ता पुँजी पुर्याएको बैंकले आगामी बोनस सेयर दिएर ८ अर्ब पुँजी पुर्याउने बताएको छ ।एक्वायरपछि जनता बैंकको शाखा सञ्जाल ११३ वटा पुगेको छ ।
एकीकृत कारोबार उद्धाटनमा कार्यक्रममा बोल्दै कामु गर्भनर शिवाकोटीले असोज मसान्तसम्ममा चुक्ता पूँजी पुर्याउन नसक्ने बैंक तथा वित्तिय संस्थाहरुलाई राष्ट्र बैंकले निक्षेप संकलन, कर्जा प्रवाह र शाखा विस्तारमा रोक लगाउने बताए ।
बैंकका प्रमुख कार्यकारी अधिकृत पर्शुराम कुँवर क्षेत्रीले बाणिज्य बैंक तर्फ सबै भन्दा धेरै उत्पादनशिल क्षेत्रमा लगानी गर्ने बैंकका रुपमा जनता बैंक स्थापित भैसकेको बताए । प्रमुख कार्यकारी अधिकृत क्षेत्रीले बैंकको शाखा विस्तार नभएका १४ जिल्लाका १५ स्थानीय तहमा बैंकले शाखा विस्तार गर्ने तयारी गरेको बताए । कार्यक्रममा बैंकर्स एसोसियसनका अध्यक्ष अनिल शाहले २८ वटा बाणिज्य बैंकहरुबिचको प्रतिष्पर्धामा जनता बैंक अब्बल हुने विश्वास व्यक्त गरेका थिए ।
प्रकाशित मितिः २०७४ असार ३०
वि.सं.२०७४ असार ३० शुक्रवार १८:१० मा प्रकाशित
