काठमाडौ । सरकारले शिक्षा दिवसका अवसरमा प्रदान गर्ने ‘नेपाल छात्रा विद्या पदक’का लागि आवेदन माग गरेको छ । एक सूचना प्रकाशित गर्दै शिक्षा मन्त्रालय अन्तर्गतको उच्च शिक्षा शाखाले २३ भदौं २०७४ मा प्रदान गरिने उक्त पदकका लागि आवेदन माग गरेको हो ।
‘नेपाल छात्रा विद्या पदक’का लागि आवेदन दिन चाहनेले नेपाल भित्रका विश्वविद्यालय/प्रतिष्ठान÷बोर्ड/परिषदबाट २०७३ सालको वार्षिक परीक्षामा स्नातक तह तथा प्रमाणपत्र तह वा सो सरहमा नियमित रुपमा उतीर्ण गरेको र प्रत्येक संकायमा छात्रातर्फ सबैभन्दा बढी अंक प्राप्त गरेको हुनुपर्नेछ ।
सबैभन्दा बढी अंक ल्याएको र नियमित उतीर्ण गरेकी छात्राले साउन मसान्तसम्म १० रुपैयाँ टिकट टाँसी आवेदन दिनुपर्नेछ ।
प्रकाशित मितिः २०७४ साउन ४
वि.सं.२०७४ साउन ४ बुधवार १६:१३ मा प्रकाशित
