काठमाडौ । नेपाल एसबीआई बैंकको सर्वसाधारण समूहको ४ लाख ६९ हजार ५२.६० कित्ता सेयर लिलामी भर्ने आज (मंगलबार) अन्तिम दिन हो । यसअघि बैंकले साउन १६ गतेसम्म लिलामी भर्न पाउने व्यवस्था गरेको थियो । तर शुक्रबार सार्वजनिक विदा परेकाले बैंकले १ दिन म्याद थपेको हो ।
बैंकले साउन ९ गतेदेखि सर्वसाधारण समूहको सेयर लिलामीमा ल्याएको हो । सेयर किन्न बिक्री प्रबन्धक एनएमबि क्यापिटल लिमिटेड नागपोखरी काठमाडौं वा नेपाल एसबीआई बैंकिङ लिमिटेड हात्तिसार काठमाडौंमा पुग्ने गरी फारम बुझाउनुपर्नेछ ।
बोलपत्र पेस गर्दा न्यूनतम १०० कित्ता वा सो भन्दा बढीका लागि १० ले भाग जाने संख्यामा बैंकको हाल कायम चुक्ता पुँजीको ०.५५ भन्दा बढी नहुने गरी आवेदन दिन सकिनेछ । लिलामीको बोलपत्र बुधबार दिउँसो ३ः३० बजे खोलिने छ ।
प्रकाशित मितिः २०७४ साउन १७
वि.सं.२०७४ साउन १७ मंगलवार ११:१३ मा प्रकाशित
