काठमाडौ। बहुक्षेत्रीय प्राविधिक तथा आर्थिक सहयोगका लागि बंगालको खाडी राष्ट्रहरुको प्रयास (बिमस्टेक) को १५औं मन्त्रीस्तरीय बैठक आजदेखि काठमाडौमा सुरु हुँदैछ। मन्त्रीस्तरीय बैठकको छलफलको सत्र भोलिदेखि सुरु हुनेछ। प्रधानमन्त्री शेरबहादुर देउवाले बैठक उद्घाटन गर्नेछन् ।
मन्त्रीस्तरीय बैठकअघि सचिवस्तरीय बैठक हुनेछ। सचिव स्तरीय बैठक बिहीबार हुनेछ। सचिवहरुको बैठकले मन्त्रीस्तरीय बैठकको एजेण्डा तय गर्नेछ। दूई दिनसम्म चल्ने बैठकमा बिमस्टेक सदस्य राष्ट्रहरुको उपस्थिति रहनेछ। मन्त्रीस्तरीय बैठक दुई दिनसम्म चल्नेछ। उक्त बैठकमा नेपालका तर्फबाट उपप्रधान एवं परराष्ट्रमन्त्री कृष्णबहादुर महराले नेतृत्व गर्नेछन्।
बिमस्टेकमा नेपाल, भारत, भुटान, बंगालादेश, श्रीलंका, म्यान्मार र थाइल्यान्ड सदस्य रहेका छन्। नेपाल सन् २०१५ देखि नेपालले बिमस्टेकको अध्यक्षता गर्दै आएको छ। अध्यक्ष राष्ट्रको हैसियतले नेपालले यो वर्ष बिमस्टेकको सम्मेलन गर्दैछ। सम्मेलनको मिति मन्त्रीस्तरीय बैठकले तय गर्नेछ।
बैठकमा सदस्य राष्ट्रहरुबीचको व्यापार, लगानी, ऊर्जा, पर्यटन, कृषि, प्रतिआतंकवाद नियन्त्रण गरिबी निवारण लगायतका विषयमा छलफल हुनेछ।
प्रकाशित मितिः २०७४ साउन २६
वि.सं.२०७४ साउन २६ बिहीवार १०:३३ मा प्रकाशित