काठमाडौं । स्वास्थ्य क्षेत्र सुधारको माग गर्दै डा.गोविन्द केसी अनशन बसेको २१ औं दिन बितिसक्दासमेत सरकारी वार्ताटोली र केसी पक्षबीच सहमति बन्न सकेको छैन । केसीका मुख्य मागमध्ये एक काठमाडौं उपत्यकाका दस वर्षसम्म नयाँ मेडिकल कलेज खोल्न नपाइनेलगायत पूरा गर्न संसदीय समिति तथा सरकारी वार्ताटोली सहमत हुन नसक्दा अनशन अन्त्यको पहल निरर्थक बनेको छ ।
प्रधानमन्त्री शेरबहादुर देउवा र सत्तासाझेदार दल माओवादी केन्द्रका अध्यक्ष प्रचण्डसमेत प्रमुख माग पूरा गर्न सहमत भए पनि प्रमुख प्रतिपक्षी दलको असहमतिले विधेयक पारित गर्ने र वार्ता टुंगो लगाउने विषय अघि बढ्न सकेको छैन ।
केसीको विधेयकमा समेटिनै पर्ने भनी अडान राखेका मागमा संसद्को महिला बालबालिका, ज्येष्ठ नागरिक तथा समाजकल्याण समिति सहमत छैन । सरकारद्वारा वार्ताटोली पनि यही बहानामा निकास खोज्न अग्रसर नदेखिएपछि अनशन अन्त्य झन् अनिश्चित बन्दै गइरहेको आजको नागरिक दैनिकमा खबर छ ।
प्रकाशित मितिः२०७४ साउन ३०
वि.सं.२०७४ साउन ३० सोमवार ०७:१६ मा प्रकाशित