काठमाडौं । प्रदेश र संसदको चुनाव एकै चरणमा चुनाव गर्ने सहमति गरेका प्रमुख तीन दलका शीर्ष नेताहरुले बिहीबार साँझ निर्वाचन आयोगका पदाधिकारीहरुसँग छलफल गरेपछि निर्वाचन आयोग सहमत भएको छ ।
‘सरकारले पर्सि निर्वाचनको मिति घोषणा गर्ने मंसिर ४ मा चुनाव गर्ने तयारी रहेको श्रोतले जनाएको छ ।
आयोगले प्रस्ताव गरेको हो यो मितिलाई दलहरुले सहमत देखिएका छन् । श्रोतका अनुसार दुई वटा मतपत्र हुनेछ । एउटा मतपत्रमा प्रत्यक्षतर्फ प्रदेशसभा र संसदका लागि मतदान हुनेछ भने अर्को मतपत्रमा समानुपातिकतर्फ प्रदेशसभा र संसदका लागि मतदान गर्नुपर्ने व्यवस्था गरिनेछ ।
निर्वाचनका लागि चाहिने कानुन ५ गतेभित्र र निर्वाचन क्षेत्र निर्धारण आयोगको प्रतिवेदन १५ गते भित्र चाहिने प्रमुख आयुक्त अयोधीप्रसाद यादवको भनाइ छ ।
स्रोतका अनुसार बैठकमा देशभर एकै चरणमा गर्ने कि दुई चरणमा भन्ने पनि छलफल भएको छ ।
स्रोतको अनुसार आयोगले पहिलो चरणमा हिमालीसहित ३१ जिल्लामा गर्ने र बाँकी जिल्लामा ७–८ दिनपछि गर्ने कि भन्ने सोच बनेको छ ।
यसबारे आयोगमा थप छलफल गरेर भोलिसम्ममा ठोस जवाफ दिने आयोग पदाधिकारीहरुले बताएका छन् । यदि दुर्इ चरणमा चुनाव हुने भयो भने पहिलो चरणमा हिमाली र पहाडी जिल्लाहरूमा चुनाव हुनेछ र एकै प्रदेशमा दुर्इ चरणमा पनि चुनाव हुनसक्छ ।
प्रकाशित मितिः२०७४ भदौ २
वि.सं.२०७४ भदौ २ शुक्रवार ०८:४५ मा प्रकाशित