रुसी राष्ट्रपति भ्लादमिर पुटिनले उत्तर कोरियामाथि थप प्रतिवन्ध लगाउनु बेकार हुने टिप्पणी गरेका छन् । उत्तर कोरियाले बम परिक्षण गरेपछि अमेरिका लगायत देशले उसमाथि कारवाही गर्ने तथा प्रतिवन्ध लगाउने चेतावनी दिइरहेका बेला रुसी राष्ट्रपति पुटिनले यस्तो प्रतिक्रिया दिएका हुन् ।
पुटिनले उत्तर कोरिया घाँस खान तयार हुने तर आणविक कार्यक्रम कुनै हालतमा नछोड्ने बताए । पुटिनले उसमाथि सैन्य कारवाही गर्दा विश्वव्यापी रुपमा समस्या आउने भन्दै त्यसो गर्नु पनि ठिक नहुने बताए ।
उत्तर कोरियाको समस्या समाधानका लागि सहि कुटनीतिले मात्र काम गर्ने पुटिनको भनाइ छ । उत्तर कोरियाले पछिल्लो समय आफ्नो आणविक कार्यक्रमलाई तिब्र बनाएपछि अन्तर्राष्ट्रिय समुदाय सशंकित भएका छन् । उत्तर कोरियाले केहि दिन अघिमात्र हाईड्रोजन बमको सफल परिक्षण गरेको थियो ।
प्रकाशित मितिः२०७४ भदौ २१
वि.सं.२०७४ भदौ २१ बुधवार १५:१४ मा प्रकाशित
