काठमाडौ । सानिमा माई हाइड्रोपावरको १०० प्रतिशत हकप्रद भर्ने म्याद आजको दिनसमेत गरी अब एक सातामात्र बाँकी रहेको छ । यसआधारमा भदौ २९ गते (बिहीबार) सम्म सानिमाको यो हकप्रदमा आवेदन दिन सक्नेछ ।
हाइड्रोले साउन २७ गतेदेखि १ः१ अनुपातमा प्रतिकित्ता १०० रुपैयाँ दरको १ करोड ५ लाख ५० हजार कित्ता हकप्रद सेयर निष्काशन खुला गरेको हो । यो हकप्रदमा साउन ९ गतेसम्म कायम रहेका सेयरधनीले आवेदन दिन सक्नेछन् । लगानीकर्ताले बिक्री प्रबन्धक सनराइज क्यापिटलबाट दरखास्त फारम भर्न र बुझाउन सक्नेछन् ।
यसैगरी, सानिमा बैंकको उपत्यकाभित्रका चुच्चेपाटी, कलंकी, कुमारीपाटी, न्यूरोड र सूर्य्विनायक शाखा तथा उपत्यका बाहिर विराटनगर, वीरगन्ज, विर्तामोड, दमक, धरान, लहान, नारायणगढ, नेपालगन्ज र पोखरा शाखाबाट पनि फारम भर्न र बुझाउन सकिनेछ । लगानीकर्ताले हकप्रद सेयरको दरखास्त फारम बिक्री प्रबन्धक सनराइज क्यापिटल र सानिमा माई हाइड्रपावरको वेबसाइटबाट डाउनलोड गरेर पनि भर्न सक्नेछन् । हाल सानिमा माईको चुक्ता पुँजी १ अर्ब ५ करोड ५० लाख रुपैयाँ छ । १०० प्रतिशत हकप्रद बिक्री गरिसकेपछि कम्पनीको चुक्ता पुँजी २ अर्ब ११ करोड रुपैयाँ पुग्नेछ ।
प्रकाशित मितिः २०७४ भदौ २३
वि.सं.२०७४ भदौ २३ शुक्रवार ११:५१ मा प्रकाशित
