काठमाडौ । नेपाल कम्यूनिटी डेभलपमेन्ट बैंक र भागर्व विकास बैंक र गुहेश्वरी मर्चेन्ट बैंकिङ एण्ड फाईनान्सले सेयरधनीलाई क्रमशः १२० प्रतिशत, ८० प्रतिशत र ४० प्रतिशत हकप्रद दिन गरेको प्रस्तावलाई नेपाल धितोपत्र बोर्डले स्विकृति प्रदान गरेको छ । बोर्डले भदौ २५ गते उक्त अनुमति प्रदान गरेको हो ।
नेपाल कम्यूनिटी डेभलपमेन्ट बैंकले प्रस्ताव गरेको १ सय २० प्रतिशत हकप्रद सेयर निष्काशन गर्न धितोपत्र बोर्डले स्वीकृति दिएको हो । बैंकले १०० रुपैंया अंकित २६ लाख ४३ हजार ५३८.८० कित्ता सेयर निश्काशन गर्नेछ । बैंकको हकप्रद निष्काशन तथा बिक्री प्रबन्धकको काम एनआईबिएल क्यापिटल मार्केटले गर्नेछ । हकप्रद सेयर जारी पछि पनि नेपाल राष्ट्र बैंकले तोकेको पूँजी नपुग्ने भएपछि बोनस सेयर दिएर पुर्याउने भएको छ ।
यस्तै भागर्व विकास बैंकले सेयरधनीलाई ८० प्रतिशत अर्थात् १०ः८ अनुपातमा हकप्रद दिन गरेको प्रस्तावलाई धितोपत्रले अनुमति दिएको छ । बैंकले १०० रुपैंया अंकित २१ लाख १२ हजार कित्ता सेयर निष्काशन गर्नेछ ।
बैंकको हकप्रद निष्काशन तथा बिक्री प्रबन्धकको काम एनएमबी क्यापिटलले गर्नेछ ।
यसैगरी गुहेश्वरी मर्चेन्ट बैंकिङ एण्ड फाईनान्सले सेयरधनीलाई १०ः४ अनुपातमा हकप्रद दिन गरेको प्रस्तावलाई धितोपत्रले अनुमति दिएको हो । संस्थाले १०० रुपैंइा अंकित १९ लाख ७३ हजार ९२८.७७ कित्ता हकप्रद शेयर निष्काशन गर्नेछ ।
बैंकको हकप्रद निष्काशन तथा बिक्री प्रबन्धकको काम एनआईबिएल क्यापिटल मार्केटले गर्नेछ ।
प्रकाशित मितिः २०७४ भदौ २६
वि.सं.२०७४ भदौ २६ सोमवार ११:०१ मा प्रकाशित
