काठमाडौ। विश्वकपमा छनोटका लागि संघर्षरत अर्जेन्टिनालाई अर्को धक्का लागेको छ । दक्षिण अमेरिकी छनोट अन्तरगत शुक्रबार भएको खेलमा पेरुले अर्जेन्टिनालाई गोलरहित बराबरीमा रोकेको छ ।
घरेलु मैदानमा भएको खेलमा मेस्सीले पनि अर्जेन्टिनालाई जित दिलाउन सकेनन् । दोस्रो हाफको सुरुमा नै उनको प्रहार पोलमा लागेर फर्किएको थियो । यो बराबरीसँगै पेरु १७ खेलबाट २५ अंकका साथ पाँचौं स्थानमा छ भने अर्जेन्टिनाको समान अंक भएपनि गोल अन्तरका आधारमा छैटौं स्थानमा छ ।
अर्जेन्टिनाले अब छनोट चरणको अन्तिम खेल इक्वेडरसँग खेल्नेछ । अब विश्वकपमा छनोट हुन अर्जेन्टिनाले यो खेल जितेर मात्र पुग्दैन, अन्य टोलीको खेलमा पनि भर पर्नु पर्नेहुन्छ । यो समूहबाट ब्राजिलले रुसको टिकट पक्का गरिसकेो छ । दोस्रो स्थानमा रहेको उरुग्वेको २८ अंक छ भने तेस्रो स्थानमा रहेको चिली र चौथो स्थानमा रहेको कोलम्बियाको समान २६ अंक छ ।
अन्तिम खेलमा उरुग्वेले बोलिभियासँग, चिलीले ब्राजिलसँग र कोलम्बियाले पेरुसँग खेल्नेछ । एक अंकले अर्जेन्टिना भन्दा पछाडि रहेको पाराग्वेले भेनेजुएलाको सामना गर्नेछ ।
प्रकाशित मितिः २०७४ असोज २०
वि.सं.२०७४ असोज २० शुक्रवार १२:०३ मा प्रकाशित
