काठमाडौं । राप्रपा–प्रजातान्त्रिकका अध्यक्ष पशुपतिशमशेर जबराले ६ दल एक भएर जान चुनावीताल मेल गर्ने बताएका छन् । शनिबार रिपोर्टर्स क्लब नेपालले आयोजना गरेको साक्षात्कारमा बोल्दै अध्यक्ष जबराले वाम गठबन्धन निर्माण भएकोले आफूहरुले पनि लोकतान्त्रिक गठबन्धन बनाएको स्पष्ट पारेका हुन् ।
अध्यक्ष जबराले गठबन्धनले छिट्टै साझान्यूनतम कार्यक्रम सार्वजनिक गर्ने घोषणा गरेका छन् । जबराल वामपन्थी गठबन्धन बनेसँगै सबै प्रजातान्त्रिक शक्तिहरुलाई एक ठाउँमा आउनको लागि मद्दत पुगेको स्पष्ट पारे । उनले भने,‘वामपन्थीहरु एक भएकोले हामीहरु प्रजातान्त्रिक शक्तिहरु एक ठाउँमा आउन उत्साही भयौ ं।’ यद्धपी उनले प्रजातान्त्रिक शक्तिहरु बीचको गठबन्धनमा थुप्रै चूनौतिहरु भएको स्विकार गरे ।
जबराले चुनावीतालमेलको लागि सिट संख्यामा कुरा मिल्ने समेत उनले विश्वास दिलाए । उनले भने,‘सिट संख्या बाँडफाँड गर्ने बारे पनि कुरा मिल्छ, अहिले कांग्रेस उदार हुन बाध्य छ, सरकार टिकाउनको लागि पनि आफ्नो पार्टनरको रक्षा गर्नु पर्छ, तुलनात्मक रुपमा कांग्रेस उदार छ ।’
त्यस्तै जबराले डा. प्रकाशचन्द्र लोहनी नेतृत्वको पार्टी र आफ्नो पार्टीवीच साझा चुनाव चिन्ह लिएर चुनावमा जानेबारे छलफल चलिरहेको बताए । जबराले कमल थापा नेतृत्वको राप्रपासँग पनि चुनावी तालमेल हुने उनले बताए । उनले थपे,‘यो हाम्रो बाध्यता हो ।’
प्रकाशित मितिः २०७४ असोज २१
वि.सं.२०७४ असोज २१ शनिवार १८:०९ मा प्रकाशित
