काठमाडौ । काबेली विकास बैंकले ५० प्रतिशत हकप्रद सेयरमा आवेदन दिने म्याद थप गरेको छ । बैंकले भदौ १८ गतेदेखि बिक्री खुला गरेको २ः१ अनुपातमा ३ लाख ५० हजार ८८० कित्ता हकप्रद सेयर अब कात्तिक १५ गतेसम्म भर्न पाइनेछ ।
यसअघि उक्त हकप्रद असोज २१ गतेसम्मको समयमा भर्नुपर्ने भएपनि लामो समयसम्म दसैं बिदा परेकाले हकप्रद भर्ने म्याद थपिएको कम्पनीले जनाएको छ । साउन १८ गतेसम्म कायम सेयरधनीले मात्र उक्त हकप्रदमा आवेदन दिन पाउनेछन् ।
हकप्रदको बिक्री प्रबन्धकको काम ग्लोबल आइएमई क्यापिटलले गरेको छ । लगानीकर्ताले बिक्री प्रबन्धकको कार्यालय राष्ट्रिय नाचघर जमल तथा ग्लोबल आइएमई बैंकको वीरगन्ज, इटहरी, जनकपुर, नारायणघाट, पोखरा, नेपालगन्ज र बुटवल शाखाबाट हकप्रदका लागि आवेदन दिन सक्नेछन् । यसैगरी, काबेली विकास बैंकको धनकुटा स्थित रजिष्टर्ड कार्यालय तथा धनकुटा जिल्लाकै हिले, बुधबारे, राजारानी र सिधुवा शाखाबाट पनि आवेदन दिन पाइनेछ ।
प्रकाशित मितिः २०७४ असोज २२
वि.सं.२०७४ असोज २२ आइतवार १२:३२ मा प्रकाशित
