काठमाडौं । माछापुच्छ्रे बैंकले १ लाख ६० हजार ७४२.६४ कित्ता सेयर लिलामी भर्ने म्याद १ दिन थप गरेको छ । अब योे लिलामीमा भोलि मंगलबार (कात्तिक १४ गते) सम्म आवेदन दिन सकिनेछ ।
यसअघि बैंकले आज (सोमबार) सम्ममात्र भर्न सकिने जनाएको थियो । तर छठ पर्वको विदाका कारण लिलामी भर्ने समय १ दिन थप गरिएको बिक्री प्रवन्धक एनएमबी क्यापिटलले जनाएको छ ।
बैकले कात्तिक ५ गतेदेखि संस्थापक समूहको २० हजार २.४० कित्ता र सर्वसाधारण समूहको १ लाख ४० हजार ७४०.२४ कित्ता लिलामीमा ल्याएको हो । यसमा न्यूनतम १०० रुपैयाँलाई आधार मानेर निवेदन दिनुपर्नेछ । आवेदकले न्यूनतम १०० कित्ता वा त्यसभन्दा बढीका लागि १० अंकले भाग जाने संख्यामा मात्र आवेदन दिन सक्नेछन् ।
प्रकाशित मितिः २०७४ कार्तिक १३
वि.सं.२०७४ कात्तिक १३ सोमवार ११:२० मा प्रकाशित