म्याग्दी । म्याग्दीसँग सिमाना जोडिएको पर्वतको उत्तरी क्षेत्रमा पर्ने जलजला गाउँपालिकाले स्थानीयस्तरमा सञ्चालित साना तथा मझौला उद्योग र व्यवसायलाई आफ्नो मातहत ल्याउने तयारी प्रक्रिया थालेको छ ।
गाउँपालिकाका अध्यक्ष यामबहादुर मल्ल ९रामकृष्ण०को अध्यक्षतामा यसै हप्ता बसेको गाउँ कार्यपालिका बैठकले आयस्रोत वृद्धि र उद्योग व्यवसायलाई गाउँपालिका मातहत ल्याउने निर्णय गरेको हो ।
विसं २०७४ पुस मसान्तसम्म गाउँपालिकाअन्तर्गतका सम्पूर्ण घरेलु तथा साना उद्योग र पसल व्यवसाय दर्ता गर्न अनुरोध गरिएको गाउँ कार्यपालिकाका प्रवक्ता तथा वडा नं ३ का अध्यक्ष देवेन्द्र भण्डारी ९रवि० ले जानकारी दिनुभयो ।
उहाँका अनुसार उद्योग व्यवसाय दर्ताका लागि रु एक हजार शुल्क तोकिएको छ । पर्वत उद्योग वाणिज्य संघअन्तर्गतको मल्लाज उपशाखाका अनुसार गाउँपालिकाले समेटेको मिलनचोक, पर्वत–बेनी, मल्लाज, लेकफाँट र शालीजामा प्यान नम्बर लिएका २५० व्यवसायी छन् ।
उपशाखामा ६०० जना साधारण सदस्य छन् । किराना, फेन्सी, हार्डवयर, फलफूल तथा तरकारी, खाद्यान्न पसल, फर्निचर, पशुपक्षी फार्म, क्रसरलगायतका उद्योग रहेका छन् । रासस
७ मंसिर
वि.सं.२०७४ मंसिर ७ बिहीवार २१:१९ मा प्रकाशित