काठमाडौ । सेयर बजारमा २ अर्ब ७६ करोड बराबरको बै्क तथा फाईनान्सको हकप्रदको बिक्रि खुला गरिएको छ । सेयर बजार वियरिस ट्रेडमा रहेको बेला सेयर बजारमा एक बाणिज्य बैंक, एक विकास बैंक र एक फाइनान्स कम्पनीले दुई करोड ७६ लाख कित्ता ५७ हजार २७४ कित्ता हकप्रद विक्री रहेका छन् ।
सिभिल बैङ्कले १०ः४ को अनुपातमा २ करोड ७ लाख ४० हजार ८ सय ८७ कित्ता हकप्रद जारी गरेको छ । लक्ष्मी क्यापिटल मार्केटले बैकको हकप्रदको कारोबार गर्नेछ । अर्को कम्पनी गण्डकी विकास बैङ्कले ४६ लाख ९ हजार ८ सय १५ कित्ता हकप्रदको बिक्रि खुलाएको छ । ४ः१ को अनुपातमा हकप्रद खुलाएको बैङ्कको बिक्रि प्रबन्धक प्रभु क्यापिटल रहेको छ । त्यस्तै रिलायन्स फाईनान्सको २३ लाख ६ हजार ५ सय ७२ बित्ता हकप्रद बजारमा रहेको छ । १०ः४.५ को अनुपातमा हकप्रद जारी गरेको फईनान्सको बिक्रि प्रबन्धक सनराईज क्यापिटल रहेको छ ।
यसरी हकप्रद जारी गरिरहेका कम्पनीहरुमा सिभिल बैंकले ४० प्रतिशत, गण्डकी विकास बैंकले २५ प्रतिशत तथा रिलायन्स फाइनान्स कम्पनीले ४५ प्रतिशत हकप्रद जारी गरेका हुन् ।
सिभिल बैंक र रिलायन्स फाइनान्स कम्पनीको हकप्रद पुस २७ गते बन्द हुँदैछ भने गण्डकीको हकप्रद भर्ने अन्तिम दिन माघ ११ गते रहेको छ ।
सिभिल बैंकको मंसिर ४ गतेसम्म, रिलायन्स फाइनान्सको मंसिर ७ गतेसम्म तथा गण्डकी विकास बैंकको मंसिर १४ गतेसम्म कायम रहेका सेयरधनीले हकप्रद भर्न पाउनेछन् ।
२०७४ पुष १७ गते प्रकाशित
वि.सं.२०७४ पुस १७ सोमवार ११:०४ मा प्रकाशित