काठमाडौ । मेगा बैंक र मेरो माईक्रोफाइनान्सको दुई करोड ८६ लाख चार हजार २९५ कित्ता सेयर नेप्सेमा सुचिकृत भएको छ । मेगा बैंकको ६५ प्रतिशत हकप्रद तथा मेरो माईक्रोफाइनान्सको ३० प्रतिशत बोनस सेयर नेपाल स्टक एक्सचेञ्जमा र बुधबार सूचीकृत भएको हो ।
बैंकले हकप्रदमा अवितरित भएको सेयर संख्यालाई छाडेर दुई करोड ७९ लाख ४४ हजार २९५ कित्ता हकप्रद सेयर सूचीकृत गराएको छ । बाँकी १८ लाख ४० हजार ७३९ दशमलव ६३ कित्ता हकप्रदसेयर भने लिलामी बाँडफाँडपछि बैंकले फेरी सूचीकृत गर्नेछ ।
उता मेरो माईक्रोफाइनान्स वित्तीय संस्थाले गत आर्थिक बर्षमा वितरण गरेको ३० प्रतिशत बोनस बराबरको ६ लाख ६० हजार कित्ता बोनस सेयर पनि सोमबार नै सूचीकृत गराएको छ । इक्रोफाइनान्सको असोज ३० गते सम्पन्न साधारण सभाले ३० प्रतिशत बोनस सेयर वितरण गर्ने प्रस्ताव पारित गरेको थियो ।
मेगा बैंकले भदौ २७ देखि कात्तिक १४ गतेसम्म जारी गरेको ६५ प्रतिशत हकप्रद बराबरको दुई करोड ९७ लाख ८५ हजार ३४ दशमलव ६३ कित्ता हकप्रद जारी गरेको थियो ।
२०७४ पुष १९ गते प्रकाशित
वि.सं.२०७४ पुस १९ बुधवार १५:२४ मा प्रकाशित