काठमाडौ । केहि समय निरन्तर ओरालो लागेर बिचमा सम्हालीएर पछिल्ला दिनहरुमा ऋणात्मक दिशामा अगाडी बढेको नेप्सेमा बुधबार केही सुधार भएको छ । बुधबार नेप्से १.६९ अंकले सुधार भएर १३९४.७३ अंकमा पुगेको छ ।
बुधबार फाईनान्स, माईक्रोफईनान्स र म्यानुफ्याक्चर समुह बाहेकका समुहमा सुधार आएको छ । क वर्गका कम्पनीहरुको कारोबार मापन गर्ने सूचक सेन्सिटिभ ०.३६ ले बढेर २९४.३४ अंकमा पुगेको छ । सबैभन्दा धेरै होटल समुहमा १४.७७ अंकले सुधार हुदै २१ लाख ६८ हजार १ सय रुपैयाको कारोबार भएको छ भने सबैभन्दा धेरै म्यानुफ्याक्चर २६.२ अंकले घटेको छ ।
समग्रमा बुधबार नेप्सेमा सामान्य सुधार देखिएको छ । कुल २६ करोड १५ लाख २५ हजार ५ सय ५३ रुपैया बराबरको ९ लाख ३८ हजार ३ सय ८ कित्ता सेयर कारोबार भएको नेप्सेमा बुधबार ०.१२ प्रतिशतले परिवर्तन आएको हो । त्यस्तै बुधबार बैङ्किङमा ०.३२, ट्रेडिङमा ४.२२, विकास बैङ्कमा ७.८२, हाईड्रोमा ३.१३, ईन्सुरेन्समा १६.१३ र अन्यमा ५.०८ अंकले सुधार भएको छ ।
२०७४ माघ १० गते प्रकाशित
वि.सं.२०७४ माघ १० बुधवार १५:२९ मा प्रकाशित