काठमाडौ । उन्नती माइक्रोफाइनान्स वित्तीय संस्था लिमिटेडले आइपिओ बाँडफाँडको स्वरुप तयार पारेको छ । आईपिओ बाँडफाँड गर्नुभन्दा तीन दिन अगाडि सेयर निष्काशन तथा विक्री प्रबन्धकले पूर्व बाँडफाँड स्वरुप तयार पारेर धितोपत्र बोर्डमा पेश गर्नुपर्ने प्रावधान अनुसार स्वरुप तयार भएको छ ।
माइक्रोफाइनान्सले पुस २१ गतेदेखि २५ गतेसम्म निष्काशन गरेको आईपिओ बाँडफाँडको अन्तिम तयारी गरेको जनाएको छ । कम्पनीको सेयर विक्री प्रबन्धक सिद्धार्थ क्यापिटलले आईपिओ बाँडफाँडको पूर्व बाँडफाँडको प्रारुप तयार गरिसकेको जनाएको छ ।
माइक्रोफाइनान्सको बिक्रि प्रबन्धक सिद्धार्थ क्यापिटलले निष्कासित सेयर शुक्रबार बिहान बाँडफाँड गर्ने भएको छ । उन्नतीले निष्काशन गरेको साधारण सेयरमा दुई लाख ४९ हजार बढी आवेदकबाट ८० करोड रुपैयाँ बढी आवेदन गरेका छन् ।
कुल निष्काशित एक लाख ६५ हजार कित्तामध्ये चार प्रतिशत अर्थात ६ हजार ६०० कित्ता सेयर कर्मचारीलाई र पाँच प्रतिशत अर्थात ८ हजार २५० कित्ता सेयर सामूहिक लगानी कोषका लागि सुरक्षित गरिएको छ ।
कुल आवेदकमध्ये ६ प्रतिशत अर्थात एक सय जना आवेदकमध्ये ६ जना भाग्यमानीले मात्र लघुवित्तको सेयर प्राप्त गर्नेछन् भने ९४ जनाको हात खाली हुनेछ ।
कर्मचारी र सामूहिक लगानी कोषलाई छुट्टाएर बाँकी रहेको एक लाख ५० हजार १५० कित्ता सेयर भाग्यमानी १५ हजार १५ जना सर्वसाधारलाई गोलाप्रथाद्धारा १० कित्ताका दरले सेयर वितरण हुनेछ ।
२०७४ माघ २५ गते प्रकाशित
वि.सं.२०७४ माघ २५ बिहीवार १०:३६ मा प्रकाशित