बुटवल, प्रदेश नं. ५ का प्रदेश प्रमुख उमाकान्त झाले सो प्रदेशको नवनियुक्त मुख्यमन्त्री शंकर पोखरेललाई पद तथा गोपनीयताको शपथ गराउनुभएको छ ।
प्रदेश प्रमुख निवास परिसरमा आयोजना गरिएको विशेष समारोहमा उहाँले देश र नेपाली जनताका नाममा सपथ लिनुभएको हो ।
मुख्यमन्त्री पोखरेलले नेकपा माओवादी केन्द्रका प्रदेश संसदीय दलका नेता कुलप्रसाद केसीलाई आन्तरिक मामिला तथा कानुन र नेकपा एमालेका वैजनाथ चौधरी थारु लाई भौतिक पूर्वाधार विकास मन्त्रीमा आज नियुक्त गर्नुभएको छ ।
निर्वाचित मन्त्रीहरुले प्रदेश प्रमुख निवास परिसरमा आयोजित समारोहमा आजै पद तथा गोपनीयताको शपथ लिएका छन् ।
२०७४ फाल्गुण ३ गते प्रकाशित
वि.सं.२०७४ फागुन ३ बिहीवार १८:४६ मा प्रकाशित