काठमाडौं । नेपाली कांग्रेसले वर्तमान सरकारका गतिविधि नियाल्न छाँया सरकार बनाउने भएको छ । छाँया सरकारले प्रधानमन्त्री सहित सबै मन्त्रिका गतिविधिको नजिकबाट अनुगमन गर्नेछ । कुनै गलत कार्य भईरहेको अवस्थामा छायाँ सरकारले खवरदारी गर्नेछ । त्यसको लागि जति मन्त्रालय छन् त्यतीनै संख्या मन्त्री पनि बनाउनेछ ।
एमाले र माओवादीबीच भएको सहमति अनुसार अब प्रधानमन्त्रीसहित १८ सदस्यीय मन्त्रिमण्डल हुनेछ । कांग्रेसले बनाउने छाँया सरकार पनि १८ सदस्यीय हुनेछ । छाँया सरकारको नेतृत्व वरिष्ठ नेता रामचन्द्र पौडेलले गर्ने कांग्रेस निकट स्रोतले जनाएको छ । पौडेल यसअघि प्रधानमन्त्रीको लागि १७ पटक उम्मेदवार भईसकेका थिए ।
सरकारको गतिविधि नियाल्न कांग्रेसले यसअघि मन्त्री भईसकेका नेताहरुलाई छान्नेछ । ताकी उनीहरुले विगतको आफ्नो अनुभवका आधारमा सरकारका गतिविधि नियाल्न सकुन् । उनीहरुले प्रत्येक मन्त्रालयमा गएर हरेक दिनको गतिविधिको अध्ययन, विश्लेषण तथा खबरदारी समेत गर्नेछन् ।
प्रकाशित मिति २०७४ फाल्गुण १३ गते
वि.सं.२०७४ फागुन १३ आइतवार १६:५६ मा प्रकाशित