नुवाकोट । होटेल तथा पर्यटन व्यवसायी महासंघको प्रदेश नं ३ स्तरीय प्रथम अधिवेशनले व्यवसायी महासंघ प्रदेश नं. ३ कार्यसमिति अध्यक्षमा नुवाकोटका सन्तोष उप्रेतीलाई सर्वसम्मत चयन गरेको छ ।
समितिका वरिष्ठ उपाध्यक्षमा उमेश सुवेदी, प्रथम उपाध्यक्षमा दुर्गाप्रसाद गौतम, द्वितीय उपाध्यक्षमा देवराज नेपाल, महासचिवमा निकु सर्राफ, सचिवमा गणेश पौडेल, सहसचिवमा अजय त्रिपाठी र कोषाध्यक्षमा रमेश बराल तथा सदस्यमा श्यामकुमार श्रेष्ठ, विष्णुप्रसाद भण्डारी, नारायणमान श्रेष्ठ, नेत्रप्रसाद न्यौपाने, शिवप्रसाद शाही र दिनेश कार्की चयन भएका छन् ।
अधिवेशनमा प्रदेश नंं. ३ का १३ जिल्लाको सहभागिता थियो । हरेक जिल्लाबाट पाँच प्रतिनिधि सहभागी भएको भेलाको आयोजक नुवाकोट होटेल तथा रेष्टुरेन्ट व्यवसायी संघका अध्यक्ष मधुसूदन थपलियाले जानकारी दिए ।
अधिवेशनको उद्घाटन गर्दै प्रतिनिधिसभामा नवनिर्वाचित सदस्य तथा नेकपा (एमाले) नुवाकोटका अध्यक्ष नारायणप्रसाद खतिवडाले होटेल तथा पर्यटन व्यवसायीलाई ग्राहकको अधिकारलाई मनन गरी सेवा प्रवाह गर्न आग्रह गरे । जिल्ला समन्वय समितिका प्रमुख सन्तमान तामाङले देशमा सबै स्थानीय तहमा स्तरीय होटेल सञ्चालन गर्न आग्रह गरे ।
२०७४ फागुन १७ गते प्रकाशित
वि.सं.२०७४ फागुन १७ बिहीवार २०:०७ मा प्रकाशित
