काठमाडौं । सानिमा बैंकले संस्थागत सामाजिक उत्तरदायित्व अन्तरगत धुर्मुस सुन्तली फोउण्डेशनलाई रु. २१ लाख सहयोग गरेको छ । भूकम्पपीडित एवं मुसहर वस्ती निर्माण गरिसकेर पछिल्लो पटक सन्तपुरमा बाढी पीडितका लागि बस्ती (सन्तपुर एकीकृत नमुना बस्ती) निर्माण गरी माघ २३ गते उक्त बस्तीमा एक समारोहका बीच हस्तान्तरण गरिएको थियो ।
उक्त बस्ती निर्माणमा अपुग् भएको खर्च, सानिमा बैंकले सामाजिक उत्तरदायित्व अन्तरगत फाउण्डेशनलाई २१ लाखको सहयोग गरेको छ । एक कार्यक्रमकाबीच बैंकका सन्चालक तुकप्रसाद पौडेलले सो रकमको चेक हस्तान्तरण गरेका छन् । हस्तान्तरण समारोहमा धुर्मुस सुन्तली फाउण्डेशनको कार्यलाई सह्राना गर्दै सानिमा बैंक पनि जोडीन पाउँदा खुशी लागेको पौडेलले बताए ।
कार्यक्रममा बोल्दै सिताराम कट्टेल (धुर्मुस) ले उक्त बस्ती अनुमानित समय भन्दा चाँडै र अनुमानित लागत भन्दा कममै सकिएको बताउँदै बैंकिङ्ग क्षेत्रबाट अहिलेसम्मको सबै भन्दा ठूलो धन राशी सहयोग प्राप्त भएकोमा बैंकलाई धन्यबाद दिए । केही रकमको प्रतिबद्घता आइसकेको जानकारी दिदैं उनले यो रकम सगैं सो बस्ती निर्माणमा अपुग रकम जुटेको कुरा बताए । त्यसै गरी कुञ्जना घिमिरे (सुन्तली) ले फोउण्डेशनलाई बिश्वास गरेकोमा धन्यवाद दिदै यो सहयोग बैंकले गरेको सम्मानका रुपमा लिएको बताइन् ।
बैंकका प्रमुख कार्यकारी अधिकृत भुवन दहालले सन्तपुर बस्ती परियोजना समय सीमा भित्रनै सम्पन्न गरी हस्तान्तरण गरेकोमा बैंंकले कुशल व्यवस्थापनका पाठ सिक्नु पर्ने बताए । साथै आफ्नो कलाकारीतामा मात्र सीमित नरहि समाज सेवामा लागेकोमा धुर्मुस र सुन्तली प्रति कृतज्ञता व्यक्त गरे ।
सानिमा बंैकले सन् २०१२ देखिनै सामाजिक उत्तरदायित्व अन्र्तगत शैक्षिक छात्रवृत्ति सहित अन्य विभिन्न कार्यक्रमहरु गर्दै आएको छ ।
फाल्गुण १८, २०७४ मा प्रकाशित
वि.सं.२०७४ फागुन १८ शुक्रवार २३:१७ मा प्रकाशित