काठमाडौँ । राष्ट्रपतिको उम्मेदवार चयनका विषयमा छलफल गर्न सत्तारुढ नेकपा (एमाले) स्थायी कमिटीको बैठक अहिले पनि जारी छ ।
दिउँसो ४ बजेका लागि तय भएको बैठक साँझ ६ बजे शुरु भई हालसम्म जारी रहेको हो । एमाले केन्द्रीय कार्यालयका सचिव कृष्णगोपल श्रेष्ठले नेताहरु छलफलमै रहनुभएको जानकारी दिए ।
औपचारिक बैठक अघि पार्टीका अध्यक्ष एवं प्रधानमन्त्री केपी शर्मा ओलीले बरिष्ठ नेताहरु झलनाथ खनाल, माधवकुमार नेपाललगायतसँग परामर्शसमेत गरेका थिए ।
एमालेभित्र वर्तमान राष्ट्रपति विद्यादेवी भण्डारीलाई पुनः उम्मेदवार बनाउने वा नयाँ उम्मेदवारी दिने भन्नेमा छलफल चलेको छ । यही फागुन २९ गतेका लागि तोकिएको राष्ट्रपतिको निर्वाचन कार्यतालिका अनुसार बुधबार ३ बजेसम्म मनोनयन गर्नुपर्नेछ ।
२०७४ फागुन २२ गते प्रकाशित
वि.सं.२०७४ फागुन २२ मंगलवार २२:५५ मा प्रकाशित
