काठमाडौं । त्रिभुवन अन्तराष्ट्रिय विमानस्थलमा दुर्घटना भएको विमानको अवस्था बुझ्न प्रधानमन्त्री केपी शर्मा ओली घटनास्थल पुगेका छन् । प्रधानमन्त्री ओलीले प्रभावकारी उद्धारमा खट्न सुरक्षा निकाय लगायत सबैलाई आग्रह गरेका छन् ।
ओलीको साथमा रक्षामन्त्री ईश्वर पोखरेल पनि पुगेका थिए ।
घटनास्थलको अवलोकन पश्चात प्रधानमनत्री ओलीले मुलुकका निम्ति दुःखदायी घटना भएको प्रतिकृया दिएका छन् । उनले तत्कालै उद्धारमा खटिएका नेपाली सेना, नेपाल प्रहरी र शसस्त्र प्रहरीबलको प्रशंसा गरे । प्रधानमन्त्री ओलीले घटनाका बारेमा छानविन गर्न उच्चस्तरीय छानविन टोली गठन गरी छिटो भन्दा छिटो सत्यतथ्य बाहिर ल्याइने बपनि बताए । घाइतेको उपचारमा संवेदनशिल भएर लाग्न निर्देशन दिँदै मृतक प्रति श्रद्धाञ्जली व्यक्त गर्दै घाइतेको स्वास्थ्य लाभको कामना गरेका छन् ।
घटना लगत्तै गृहमन्त्री रामबहादुर थापा र उद्योग मन्त्री मात्रिका यादव पनि विमानसथल पुगेर घटनाबारे जानकारी लिएका छन् । दुर्घटना उद्धारमा नेपाली सेना, नेपाल प्रहरी, सशस्त्र प्रहरी बल, विमानस्थल सुरक्षामा खटिएका सुरक्षा कर्मी र मिानस्थल कर्मचारी उद्धारमा खटिएका छन् ।
दुर्घट्नामा हालसम्म २० जनाको शव निकालिएको छ भने १२ जनालाई उपचारका लागि उद्दार गरेर पठाइएको छ । अवतरणका क्रममा दुर्घटनामा परेको विमानमा चालक दलका सदस्यसहित ७१ जना रहेको खुलेको छ ।
२०७४ फागुन २८ गते प्रकाशित
वि.सं.२०७४ फागुन २८ सोमवार १६:०२ मा प्रकाशित