काठमाडौ । सेयर बजारमा आफु सकारात्मक विस्तारको पक्षमा रहेको अर्थमन्त्री डा. युवराज खतिवडाले बताएका छन् । काठमाडौमा भएको पहिलो अन्तर्राष्ट्रिय सिए सम्मेलनमा बोल्दै खतिवडाले लगानी नडुब्ने वातावरण बनाउन आफु प्रयासरत रहेको बताएका हुन् ।
अर्थमन्त्री खतिवडाको नकारात्मक टिप्पणीले सेयरबजार घटेको प्रचार भईरहेका बेला उनले आफु सेयरबजारको मार्केट बृद्धिका लागि काम गरिरहेको बताए । सेयर बजार प्रति नकारात्मक टिप्पणी नगरेको भन्दै खतिवडाले आफु सेयर बजारको पक्षमा रहेको पनी स्पष्ट पारे ।
अर्थमन्त्री खतिवडाले सेयर कारोवार गर्दा कम्पनीको वित्तिय विवरण हेरेर, सबै कारोवारको तुलना गरेर खरिदबिक्री गर्दा लगानीकर्तालाई वित्तिय जोखिम कम हुने बताए । पछिल्लो समय सामान्य जानकारीका भरमा लगानी गर्ने बढिरहेकाले जोखिम बढेको उनको भनाई थियो ।
देशको अर्थतन्त्रमा सकारात्मक प्रवाहको अपेक्षा सहित कर कार्यालय र कम्पनीका लागि छुट्टाछुट्टै आर्थिक विवरणको व्यवस्था गर्न लागिएको पनी उनको भनाई छ । छुट्टाछुट्टै आथिृक विवरणको आधारमा कर छली गरिरहेका हरुलाई करको दायरामा ल्याईने र आवश्यक कारवाही गरिने उनको भनाई छ ।
२०७४ चैत ४ गते प्रकाशित ।
वि.सं.२०७४ चैत ४ आइतवार ०९:४२ मा प्रकाशित
