काठमाडौ । विभिन्न समयमा विभिन्न देशमा फरक–फरक ढंगका रोचक कुराहरु देखिन्छन् तथा प्रचारमा आउछन् । पैसाका लागि विभिन्न पशुपालन व्यावसाय सामान्य हो तर पछिल्लो समय पश्चिमा मुलुकमा मान्छेभन्दा सुँगुरको संख्या दोब्बर बढी पुगेको छ ।
युरोपेली देश डेनमार्कमा हरेक १ सय जना मानिसको तुलनामा २ सय १५ वटा सुँगुर रहेको युरोस्टाटको रिपोर्ट जनाएको छ । युरोपमा सुँगुर बढी भएको दोश्रो देश नेदरल्याण्ड हो । नेदरल्याण्डमा हरेक १ सय मानिसका लागि ७० वटा सुँगुर रहेका छन् ।
युरोपेली युनियनका देशहरुमा रहेका ८ करोड ९० लाख सुँगुरमध्ये ४० प्रतिशत स्पेन र जर्मनी गरी दुई देशमा रहेका छन् । त्यस्तै फ्रान्स, डेनमार्क, नेदरल्याण्ड र पोल्याण्डमा पनि सुँगुरको संख्या उच्च छ ।
त्यस्तै स्पेनमा १ सय मानिसका लागि ६३ वटा सुँगुर र बेल्जियममा १ सय जना मानिसका लागि ५४ वटा सुँगुर रहेका छन् । युरोपियन तथ्यांक एजेन्सी युरोस्टाटका अनुसार युरोपियन युनियनका सबै देशमा गरी मानिसको जनसंख्या १५ करोड छ भने सुँगुरको जनसंख्या ८ करोड ९० लाख छ ।
२०७४ चैत १७ गते प्रकाशित ।
वि.सं.२०७४ चैत १७ शनिवार १०:०२ मा प्रकाशित
