काठमाडौं । नेपाल धितोपत्र बोर्डले कुनै पनि संगठित संस्थालार्इ आफूले निष्काशन गर्ने शेयर धितोपत्र बोर्डमा दर्ता नगरी सार्वजनिक निष्काशन नगर्न निर्देशन दिएको छ । कतिपय जलविद्युत् कम्पनीले बोर्डमा दर्ता नगरी शेयरमा लगानी गर्न सार्वजनिक रुपमा सूचना प्रकाशन गरेको पाइएको जनाइएको छ ।
धितोपत्र सम्बन्धी ऐन २०६३ को दफा २७ बमोजिम सार्वजनिक शेयर निष्काशन गर्नु अघि बोर्डमा दर्ता गर्नु पर्ने व्यवस्था रहेको छ। बोर्डले कुनै धितोपत्र बोर्डमा दर्ता नभएका कुनै पनि कम्पनीमा शेयर लगानी नगर्न तथा नगराउन अनुरोध गरेको छ।
बोर्डले विगतमा पनि गैरकानुनी ढंगबाट सार्वजनिक रुपमा निष्काशन गर्न लागेका संगठित संस्थालार्इ रोक लगाएको थियो। बोर्ड यस्ता शेयरमा लगानी नगर्न लगानीकर्तालार्इ सतर्क गराएको छ।
२०७४ चैत २० गते प्रकाशित
वि.सं.२०७४ चैत २० मंगलवार ०७:३३ मा प्रकाशित