काठमाडौं । सिटिजन्स बैंक इन्टरनेशनल लिमिटेड ले ४ लाख ६३ हजार ८२६ कित्ता थप साधारण सेयर एफपिओ निष्कासन गर्ने भएको छ । बैंकले संस्थापक र साधारण सेयरधनीको सेयर स्वामित्व अनुपात ५१.४९ प्रतिशत कायम गर्न एफपिओ जारी गर्न लागेको हो ।
हाल बैंकमा संस्थापकको ५१.२९ प्रतिशत तथा साधारण सेयरको ४८.७१ प्रतिशत सेयर अनुपात रहेको छ । बैंकले एफपिओ मार्फत संस्थापक र साधारण सेयरधनीको सेयर स्वामित्व अनुपात ५१.४९ प्रतिशत कायम गर्न लागेको बैंकका सहायक प्रमुख कार्यकारी अधिकृत रामधन श्रेष्ठले जानकारी दिए । बैंकले निष्कासन गर्ने एफपिओको प्रत्याभूति सिभिल क्यापिटल लिमिटेडले गर्ने भएको छ ।
बैंकले ४ लाख ६३ हजार ८२६ कित्ता थप साधारण सेयर ग्लोबल आइएमई क्यापिटल मार्फत बिक्री गर्ने जनाएको छ । एफपिओ पछि बैंकको चुक्तापूँजी ४ करोड ६३ लाख रुपैयाँ थपिनेछ ।
२०७४ चैत २१ गते प्रकाशित
वि.सं.२०७४ चैत २१ बुधवार २०:३४ मा प्रकाशित