नयाँदिल्ली । प्रधानमन्त्री केपी शर्मा ओली र भारतिय समकक्षी नरेन्द्र मोदीले भारतबाटै स्वीच अन गरेर नेपालको अरुण तेस्रो जलविद्युत आयोजनको शिलान्यास गर्ने भनिएपनि अन्तिममा आएर रोकिएको छ ।
ओली र मोदी नेपाल र भारतको सहकार्यका बारेमा यसो गरेर दुनियाँ चकित गराउन चाहन्थे । तर अन्तिम समयमा आएर रोकिएको छ । ओलीको भारत भ्रमणकै बेला आज अरुण तेस्रो जलविद्युत आयोजनाको शिलान्यास दिल्लीबाटै गरिने भनिएकोमा उक्त शिलन्यास स्थगित भएको हो ।
नेपालले गृहकार्य नपुगेको भन्दै अहिले शिल्न्यास नगरौं भन्ने प्रस्ताव भारतीय पक्षसँग राखेपछि यसको शिलान्यास हाललाई रोकिएको भौतिक पूर्वाधार मन्त्री रघुवीर महासेठले जानकारी दिए । ‘अरुण तेस्रोको शिलन्यास आज हुँदैन,’ मन्त्री महासेठले भने, ‘नेपालका तर्फबाट गृहकार्य नपुगेको भनेपछि आज यसको स्विच अन नहुनेभएको हो ।’
त्यसैगरी मोतीहारी–अमलेखगञ्ज पाइपलाइनको स्वीच अन गर्ने कार्यक्रम पनि छलफलमै रहेको र आजै हुने दुईपक्षीय वार्ताबाट टुंगो लाग्ने मन्त्री महासेठले बताएका छन् । वीरगञ्ज चेकपोष्टको भने दुबै देशका प्रधानमन्त्रीले स्वीच अन गरेर उदघाटन गर्ने उनले बताएका छन् ।
२०७४ चैत २४ गते प्रकाशित
वि.सं.२०७४ चैत २४ शनिवार १२:५५ मा प्रकाशित
