काठमाडौं । जोशी हाइड्रोपावर डेभलपमेन्ट कम्पनी र शुभम पावर लिमिटेडले धितोपत्र बोर्डबाट आइपीओ निष्कासन गर्ने अनुमति पाएका छन् । यी दुवै कम्पनीले आयोजना प्रभावित क्षेत्रका स्थानीय बासिन्दालाई आइपीओ बिक्री गर्न लागेका हुन् । जोशीले ३ करोड ७१ लाख ४० हजार रुपैयाँको ३ लाख ७१ हजार ४०० कित्ता आइपीओ निष्कासन गर्नेछ ।
यो आइपीओमा बिक्री प्रबन्धकको काम सिद्धार्थ क्यापिटलले गर्नेछ । स्थानीय सहित सर्वसाधारणमा ३० प्रतिशत सेयर जारी गर्ने सम्भावनालाई आधारमान्दा कम्पनीले दोस्रो चरणमा सर्वसाधरणका लागि ७ करोड ४२ लाख ८० हजार रुपैयाँ बराबरको ७ लाख ४२ हजार ८ सय कित्ता सेयर जारी हुन सक्ने सम्भावना रहेको छ ।
यता, शुभमले पनि २ करोड रुपैयाँ बराबरको २ लाख कित्ता सेयर निष्कासन गर्नेछ । यसको बिक्री प्रबन्धकमा सीबीआइएल क्यापिटल लिमिटेड रहनेछ । स्थानीबासीलाई सेयर बिक्री गरेपछि कम्पनीले सर्वसाधारणलाई चार करोड रुपैयाँ बराबरको चार लाख कित्ता सेयर निष्कासन गर्नेछ ।
शुभम पावर लिमिटेडको संखुवासभामा एक मेगावाटको हाइड्रोपावर आयोजना सञ्चालन गरिरहेको छ । कम्पनीले आइपीओ संखुवासभाका आयोजना प्रभावित स्थानीयका लागि निष्कासन गर्न लागेको हो ।
२०७४ चैत २९ गते प्रकाशित
वि.सं.२०७४ चैत २९ बिहीवार ११:२३ मा प्रकाशित
