काठमाडौं । राजधानीको चन्द्रागिरिमा जारी चौंथो नेपाललय वेष्टर्न युनाईटेड क्लव फुटबल प्रतियोगिता अन्तर्गत आज भएको फाईनल खेलमा टिम स्पिड न्युरोडले उपाधि जितेको छ ।
चन्द्रागिरिको मातातिर्थ खेल मैदानमा सोमबार साँझ भएको खेलमा १–१को वरावरी पश्चात् खेल पेनाल्टी मार्फत टिम स्पिडले ४–२ अन्तरले उपाधी चुम्न सफल भएको हो । टिम स्पिडको जितसंगै दुई लाख बाईस हजार दुई सय बाईस रुपियाँ नगद पुरस्कार प्राप्त गरेको छ ।
उप विजेता सोल्टी नेपालले नगद एक लाख एघार हजार एक सय एघार रुपियाँ प्राप्त गरेको छ । पहिलो हाफमा टिम स्पिडका खेलाडी सरोज राउतले खेलको १९ मिनेटमा पहिलो गोल गर्दै खेललाई अग्रता प्रदान गरे । खेलको अन्तिम चरणको ७० मिनेटमा सोल्टी नेपालका विजय लामाले गोल गरी खेलाई वरावरीमा रोके ।
निर्धारित समयमा खेल वरावरी भएपछि पेनाल्टी सुटमा ४–२ को अन्तरमा टिम स्पिड न्युरोड विजयी भयो भने टिम स्पिडका गोल रक्षक नवराज निरौलाले उत्कृष्ट गोल रक्षकको उपाधी सहित नगद रू १५ हजार हात पारे । सोल्टी नेपालका खेलाडी भानु श्रेष्ठ उत्कृष्ट खेलाडीको उपाधी सहित नगद १५ हजार पाउन सफल भए ।
वेष्टर्न युनाईटेड क्लव फुटबलका खेलाडी साजन महर्जनले सर्वाधिक राम्रो खेलाडी घोषित भए र यामाहाको स्कुटर संस्थाका कार्यावाहक अध्यक्ष रामनारायण घिमिरे र सस्थाका सल्लाहकार वटु थापाले संयुक्त रूपमा प्रदान गरे । पहिलो र दोश्रो हुने क्लवलाई पुर्व खृलकुद मन्त्री तथा नेपाल राष्ट्रिय खेलकुल महासंघका अध्यक्ष पुरूषोतम पौडेल र प्रदेश नं. ३ का प्रदेशसभा सदस्य रमा आले मगरले संयुक्त रूपमा पुरस्कार प्रदान गरेका थिए ।
२०७४ चैत ३० गते प्रकाशित
वि.सं.२०७४ चैत ३० शुक्रवार २१:५० मा प्रकाशित