काठमाडौं । एसियन लाइफ इन्सुरेन्सले बोनसदर परिवर्तन गरेको छ । एसियनले यसअघि घोषणा गरेको १२ प्रतिशत बोनसलाई संशोधन गरी अब ६ प्रतिशत मात्र बोनस दिइने जनाएको छ । बोनससँगै कर तिर्ने रकममा पनि परिवर्तन भएको छ । कर तिर्न नगद लाभांश अब ०.३२ प्रतिशत मात्र हुनेछ । यसअघि कम्पनीले ०.६३ प्रतिशत नगद लाभांश दिने घोषणा गरेको थियो ।
राष्ट्रिय बिमा समितिले यसअघिको १२ प्रतिशत बोनस र ०.६३ प्रतिशत नगद प्रस्तावलाई स्वीकृति नदिएपछि बोनसदर परिवर्तन गरिएको एसियनले जनाएको छ । नयाँ बोनस पनि बिमा समिति र आगामी वार्षिक साधारण सभाबाट परित भएपछि मात्र वितरण हुनेछ ।
एसियन लाइफले हालैमात्र ५० प्रतिशत हकप्रद बिक्री गरेको छ । कम्पनीले ४० करोड २७ लाख ९६ हजार ६२० रुपैयाँ बराबरको ४० लाख २७ हजार ९६६.२० कित्ता हकप्रद बिक्री गरेको हो । यो हकप्रदपछि चुक्ता पुँजी १ अर्ब २० करोड ८३ लाख ८९ हजार रुपैयाँ पुग्छ ।
२०७५ बैशाख १३ गते प्रकाशित
वि.सं.२०७५ वैशाख १३ बिहीवार ११:१८ मा प्रकाशित