काठमाडौं । नेप्सेमा बिहीबार ६ वटा बैंक तथा वित्तीय संस्थाको १ करोड ७८ लाख ६६ हजार ७११.३५ कित्ता बोनस सेयर सूचीकृत भएको छ । सूचीकृत हुनेमा सबैभन्दा धेरै नेपाल इन्भेष्टमेन्ट बैंकको मात्रै १ करोड ४० लाख ५२ हजार २०१.३५ कित्ता बोनस सेयर रहेको छ । यो बैंकले १५ प्रतिशत बोनस सेयर दिएको थियो ।
शिखर इन्सुरेन्सको पुस ७ गतेको वार्षिक साधारण सभाबाट पारित २९ प्रतिशत बोनस सेयर सूचीकृत भएको छ । बिहीबार महुली सामुदायिक लघुवित्त वित्तीय संस्थाले पनि ५० प्रतिशत बोनस सूचीकृत गराएको छ । यसैगरी, बोनस सूचीकृत गराउनेमा गुडविल फाइनान्स, साल्ट ट्रेडिङ कर्पोरेसन र सप्तकोशी डेभलपमेन्ट बैंक पनि रहेका छन् ।
२०७५ बैशाख १३ गते प्रकाशित
वि.सं.२०७५ वैशाख १३ बिहीवार १४:५५ मा प्रकाशित
