काठमाडौं । सहारा विकास बैंकले जेठ ६ गतेदेखि २५० प्रतिशत हकप्रद सेयर बिक्री खुला गर्ने भएको छ । बैंकले १ बराबर २.५ को अनुपातमा १८ लाख २४ हजार ८७० कित्ता सेयर बिक्री गर्न लागेको हो । यसमा असार ९ गतेसम्म आवेदन दिन सकिनेछ । १०० रुपैयाँ अंकित मूल्यको यो हकप्रद वैशाख ९ गतेसम्म कायम रहेका सेयरधनीले मात्र भर्न पाउँछन् ।
धितोपत्र बोर्डबाट स्वीकृत प्राप्त आस्वा सेवामा सहभागी बैंक तथा वित्तीय संस्थाबाट ७५ जिल्लाबाटै आवेदन गर्न सक्नेछन् । हाल सहाराको चुक्ता पुँजी ७ करोड २९ लाख ९४ हजार रुपैयाँ छ । हकप्रदपछि चुक्ता पुँजी २५ करोड ५४ लाख ८१ हजार रुपैयाँ पुग्नेछ । सहारा देवः विकास बैंकमा मिसिने प्रक्रियामा छ ।
लगानीकर्ताले बिक्री प्रबन्धक एनआइबीएल एस क्यापिटल लाजिम्पाट र यसका शाखा कार्यालय लालदरबार काठमाडौं, लगनखेल ललितपुर, चिप्लेढुंगा पोखरा, ट्राफिकचोक बुटवल, आदर्शनगर वीरगञ्ज र गोल्छाचोक विराटनगरबाट आवेदन दिन सक्नेछन् । त्यसैगरी, सहारा विकास बैंकको मलंगवा नगरपालिका, ९ सर्लाही तथा सिराहा, बरहथवा, इश्वरपुर र लालबन्दी शाखा कार्यालयबाट आवेदन दिन सकिनेछ ।
२०७५ बैशाख १९ गते प्रकाशित
वि.सं.२०७५ वैशाख १९ बुधवार १२:१२ मा प्रकाशित
