काठमाडौं । नेपाल इन्भेष्टमेन्ट बैंकले १५ प्रतिशत बोनस सेयर डिम्याट खातामा जम्मा गरिदिएको छ । गत असोज १७ गतेसम्म सेयर डिम्याट गराएका सेयरधनीलाई बोनस सेयर खातामै जम्मा गरिएको बैंकले जानकारी गराएको छ । असोज १७ पछि सेयर डिम्याट गरेकाहरुले भने डिम्याट खाताको विवरण जानकारी गराएपछि मात्र बोनस पाउनेछन् । हालसम्म डिम्याट खाता खोल्न बाँकी रहेका सेयरधनीलाई तत्काल खाता खोली डिम्याट गर्न पनि बैंकले भनेको छ ।
सेयर धितो राखेर कर्जा लिएकाहरुको भने सम्बन्धित बैंक तथा वित्तीय संस्थाको स्वीकृतिपत्र पेश गरेपछि मात्र बोनस खातामा जम्मा हुनेछ । नेपाल इन्भेष्टमेन्ट बैंकले कात्तिक ७ गते वार्षिक साधारण सभा गरी १५ प्रतिशत बोनस सेयर र २५ प्रतिशत नगद लभांश दिने प्रस्ताव पारित गरेको थियो ।
२०७५ बैशाख २० गते प्रकाशित
वि.सं.२०७५ वैशाख २० बिहीवार १९:१४ मा प्रकाशित
