काठमाडौं। माछापुच्छ्रे बैंकले ‘एमबीएल स्मार्ट बचत खाता’ संचालनमा ल्याएको छ। खातामा न्युनतम ५००० रुपैयाँ जम्मा गर्नु पर्छ। यसमा बैंकले ६ प्रतिशत ब्याज उपलब्ध गराउने छ।
खातालाई आर्कषक बनाउन बैंकले स्वास्थ र दुर्घटना बिमाको सुविधासमेत प्रदान गर्ने भएको छ। ग्राहकले पाँच लाखसम्मको दुर्घटना बिमा, १ लाख सम्मको अस्पताल भर्ना खर्च र ५ हजार सम्मको औषधि खर्च निःशुल्क प्राप्त गर्न सक्ने बैंकले जनाएको छ।
खातामार्फत ग्राहकले विभिन्न स्मार्ट सुविधाहरु निःशुल्क उपलब्ध गराउने विज्ञप्तिमा उल्लेख गरेको छ। बैंकले ईन्टरनेट बैकिङ, एमबीएल मोबाइल मनी, डेबिट कार्ड, क्रेडिट कार्ड, डिम्याट खाता, मेरो शेयर सुविधा, सि–आश्वा सुविधा, अन्तर शाखा कारोबार सुबिधा निःशुल्क उपलब्ध गराउने छ। बैंकले लकर सुबिधा ५० प्रतिशत छुटमा उपलब्ध गराउने विज्ञप्तिमा उल्लेख गरेको छ।
घरै बसी बसी इलेक्ट्रोनिक माध्यमबाटै बैंक खाता सञ्चालन गर्न ग्राहकलाई प्रोत्साहित गर्ने उद्देश्यले बैंकले स्मार्ट बचत खाता सञ्चालनमा ल्याएको जनाएको छ।
२०७५ बैशाख २० गते प्रकाशित
वि.सं.२०७५ वैशाख २० बिहीवार १६:३३ मा प्रकाशित
