काठमाडौं । तपाई बजारका बारेमा जानकारी लिन अनि सम्बद्ध पक्षहरुसँग चिनजान र जानकारी लिन चाहनु हुन्छ भने तपाईजस्ता लगानीकर्ताको उत्साह बढाउन पहिलो पटक क्यापिटल एक्स्पो आयोजना हुने भएको छ । धितोपत्र बोर्डको आयोजनामा यही बैशाख २६ गतेदेखि क्यापिटल एक्सपो आयोजना हुँदैछ । राजधानीको भृकुटीमण्डपस्थित प्रदर्शनी कक्षमा आयोजना हुने एक्स्पोमा सेयर बजारसम्बद्ध विभिन्न पक्ष तथा निकायका १ सय ७० वटा स्टक रहने छन् ।
नेप्से, सिडीएस एण्ड क्लियरिङ लिमिटेड, ब्रोकर कम्पनी, मर्चेन्ट बैंकर, क्रेडिट रेटिङ एजेन्सी लगायतले एक्स्पोमा सहभागि हुने लगानीकर्ता तथा अन्य अवलोकनकर्तालाई बजारका बारेमा जानकारी प्रदान गर्ने छन् । एक्स्पोमा धितोपत्र सम्बन्धी अध्ययन सामाग्री निःशुल्क प्रदान गरिने धितोपत्र बोर्डले जनाएको छ ।
२०७५ बैशाख २५ गते प्रकाशित
वि.सं.२०७५ वैशाख २५ मंगलवार १०:२८ मा प्रकाशित