काठमाडौं । मेगा बैंकको सेयर कारोबार एक बर्ष चार महिनापछि सोमबारबाट खुला भएको छ । बैशाख ३० गतेदेखि टुरिजम डेभलपमेन्ट बैंकसँग एकिकृत कारोबार थालेपश्चात जेठ १४ गते सोमबारदेखि नेप्सेमा बैंकको सेयर कारोबार खुला भएको हो ।
बैंकको ६५ प्रतिशत हकप्रदलाई समायोजन गरेर नेप्सेले बैंकको प्रतिकित्ता सेयरमूल्य ३११ रुपैयाँ ५२ पैसा कायम गरेको छ । बैंकको औसत आधारमूल्य ३५३ रुपैयाँ ७६ पैसा रहेको छ ।
मर्जर सम्झौताअघिको मेगाको दोश्रो बजारमा अन्तिम बिक्री मूल्य प्रतिकित्ता ४५८ रुपैयाँ र टुरिजमको प्रतिकित्ता ४२७ रुपैयाँ रहेको थियो । बैंकले टुरिजम् डेभलपमेन्ट बैंकसँग मर्जर सम्झौता गरेपश्चात २०७३ माघ पहिलो साताबाट बैंकको सेयर कारोबार रोक्का रहेको थियो ।
२०७५ जेठ १४ गते प्रकाशित
वि.सं.२०७५ जेठ १४ सोमवार ११:१९ मा प्रकाशित