काठमाडौं । प्रेस चौतारी नेपालका उपमहासचिव हीरामान लामालाई ज्यान मार्ने धम्कि दिने पोखराका पावेल गुरुङलाई प्रहरीले पक्राउ गरेको छ । लामाको उजुरीको आधारमा जिल्ला प्रहरी कार्यालय कास्कीको टोलीले तीन दिन अघि गुरुङलाई पक्राउ गरेको थियो ।
नेपाल टेलिभिजनमा प्रशारण हुँदै आएको सिधाप्रश्न कार्यक्रमको सन्दर्भमा पत्रकार लामाले आफ्नो फेसबुक स्टाटस मार्फत प्रश्न गरेका थिए । सो स्टाटसमा गुरुङले तेरो टाउकोको मुल्य कति हो ? त्यति नै मुल्य चुकाएर टुक्रा टुक्रा पार्न मन छ भन्दै प्रतिकृया लेखेका थिए । पक्राउ परेका गुरुङलाई प्रहरीले विद्युतिय अपराध एन अन्तर्गत मुद्दा चलाउने तयारीसाथ काठमाडौं ल्याउँदै गरेको प्रहरीले जनाएको छ ।
२०७५ असार ८ गते प्रकाशित
वि.सं.२०७५ असार ८ शुक्रवार १२:०२ मा प्रकाशित