रसुवा । गए मध्यराती परेको भिषण वर्षासँग गोसाईकुण्ड गाउँपालिका २ टिमुरेमा ३ सय मिटर माथिबाट आएको पहिरोका कारण ३ वटा घर पुरिदा ९ जनाको मृत्यु भएको छ ।
धुन्चेबाट स्याफ्रुहुँदै टिमुरे पुग्ने सडक मार्ग लिङलिङलगायत ठाउँ ठाउँमा अवरुद्ध पन्छाउँदै जिल्लाबाट पुगेका प्रमुख जिल्ला अधिकारी कृष्ण पौडेलतथा सुरक्षा प्रमुखहरु, जनप्रतिनिधीहरु बिहानै पुगेका थिए ।
सदरमुकाम धुन्चेबाट ३० किमी टाढा नेपाल चीन सिमाना नजिकै पर्ने घटनास्थलमा रातिदेखिनै स्थानीय रसुवागढी जलविद्युत आयोजनाका कर्मचारी, प्रहरी सेनालगायत स्थानीयले उद्धार गरेपनि हराएकाहरुको लास खोजीकार्य बेलुकीसम्म गरेका थिए ।
जिल्ला प्रहरी कार्यालय रसुवाका अनुसार शिन्धुपाल्चोक जिल्ला भोटेकोशी गाउँपालिका ४ का ३७ वर्षका शुस खडका, २६ वर्षका बिक्रम श्रेष्ठ, ४२ वर्षका श्याम श्रेष्ठ, ४५ वर्षका मंगल तामाङ , रसुवाको थुमनका ४५ वर्षका मीङमरगोम्बो तामाङ, टिमुरेका ४७ वर्षका दोर्जेवाङजु घले, ३७ वर्षका महिला कार्साङकिमो घले , नुवाकोटका रमेस तामाङ र सर्मिला कमिनीको लास प्राप्त भएर सनाखत भएको छ । जिल्ला प्रहरी कार्यालयका प्रहरी नावय उपरिक्षक सन्तोष तामाङले बताउनुभयो । घटनामा घाईले रहेका १२ जना मध्ये स्थानीय स्वास्थ्यकेन्द्रमा उपचार गरी ५ जनालाई थप उपचारको लागि राजधानी पठाएको गोसाईकुण्ड गाउँपालिका अध्यक्ष कैसाङपुनुर्पु तामाङले जानकारी दिनुभयो ।
घटनास्लमा नेपाल रेडक्रस सोसाईटीबाट त्रिपाल र खाद्यान्न उपलब्ध गराएको छ । प्रमुख जिल्ला अधिकारी पौडेलले मृतकका परिवारलाइई १ लाख रुपियाँ , घर पुरिएकालाई तत्काल १० हजार र घर बनाउन सहयोग स्वरुप ५० हजा रुपैयाँ प्रदान गरिने बताउनुभयो ।
पहिरोले पुरिएर १ पक्की २ कच्चीघर २ टहरा पुरिएका हुन् । पहिरोले स्थानीय टासीदेलेक होटल पुर्ण रुपमा क्षति भएको छ । त्यहाँ पुरिएको आशंकामा स्क्याभेटर तथा सुरक्षाकर्मी परिचालन गरेर खोजी कार्य भईरहेको छ । पहिरोले टिमुरे गाउँ प्रबेश गर्ने स्थलमा रहेको प्रहरी चेक पोष्ट समेत ५ वटा छाप्रा पुरेको छ । पहिरोले विद्युत पोल समेत ढालेपछि सो क्षेत्रमा विद्युत र टेलिफोन , ईन्टरनेट सेवा समेत अवरुद्ध भएपछि रसुवागढी भन्सारको नियमित काम पनि ठप्प भएको छ । मध्यरातमा भिषणवर्षासँग आएको पहिरोले रातभर जागै रहेर उद्धार कार्यमा स्थानीय सुरक्षा निकाय तथा स्थानीयले उद्धार गरेको स्थानीय उर्केन घेलेले बताउनुभयो ।
रसुवगढी नाकामा पर्ने सडकमार्ग समेत पहिरोले अवरुद्ध हुँदा सवारी आवागमनमा समस्या भएको छ । टिमुरे प्रवेशद्वारको अस्थायी प्रहरी पोष्ट पनि पहिरोले पुरेको छ । त्यहाँ रोकेको अवस्थामा रहेका ना २ ख ८६८९, ना ५ख ७००७ र ना२ख ३६६३ नम्बरको ट्रकमा क्षति पुगेको प्रहरीले जनाएको छ ।
२०७५ साउन १० गते प्रकाशित
वि.सं.२०७५ साउन १० बिहीवार २२:०९ मा प्रकाशित
