काठमाडौँ, । अर्काको देखासिखी बानिले कानुनले तोकेको बिबाह भन्दा बढि तड्कभड्क देखाउने नेपालि समाजमा कला अधिकारी र उत्तम सञ्जेलले नमुनाको बिबाह सम्पन्न गरेका छन । अहिलेको समयमा तीन सय रुपैयाँमा बिबाह सम्पन्न गरेका छन । यसरी बिबाह सम्पन्न भएको कुरा सुन्दा तपाईलाई पत्याउनै गाहे पर्छ । समाजमा एक उदारणीय राम्रो काम गरी नमुनाको जोडीे बनेका छन यि जोडी ।
शिक्षा अभियन्ता उत्तम सञ्जेल एक समाजका उदारणीय ब्यक्ति हुन जसले समाजमा नै एक उदारणीय काम गरी नमुनाको बिबाह भनि दर्शाएका छन । ४१ वर्षका सञ्जेलले गुहेश्वरी मन्दिरमा अत्यन्त साधारण तरिकाले सुन्दरीजलकी कला अधिकारीसँग सोमबार बिहान बिहे गरेका हुन् ।
बेहुला उत्तमले ‘समता स्कुल इन्डिया’ लेखिएको टिसर्ट लगाएका थिए । खुट्टामा चप्पल थियो । बेहुली कलाले रातो कुर्ता–सुरुवालमा घुम्टो ओढेकी थिइन् । बिहेमा करिब १ दर्जन व्यक्तिहरु उपस्थित थिए ।
दुवै पक्षका परिवारका सदस्यहरु उपस्थित थिएनन् । परिवारका सदस्यहरु निम्त्याउँदा ‘उपहार लेनदेन’ को कुरा आउन सक्ने भएकाले नबोलाएको सञ्जेलले बताएका छन् ।
सञ्जेलले कलालाई सिन्दुर पोते र माला लगाइदिएका थिए । त्यसपछि उनले २ मिनेट बोलेपछि बिहे सम्पन्न भएको थियो । बेहुली कला भने लजाएर बोल्न मानिनन् ।
करिब ५ मिनेटमा बिहे सकिएको त्यहाँ उपस्थित कलाकार मनोज गजुरेलले बताएका छन् । बिहेपछि भोजका रुपमा मदनकृष्ण श्रेष्ठ र हरिवंश आचार्यले सबैलाई सुगर फ्री लड्डु बाँडेका थिए । लड्डुको प्रायोजन उनीहरुकै थियो ।
२५ रुपैयाँको सिन्दुर, ७५ रुपैयाँको पोते र १ सय रुपैयाँका दुई मालामा बिहे सकियो बताइएको छ । उत्तम र कलाको ४ महिना अगाडि मात्रै चिनजान भएको हो ।
उत्तमले सञ्चालन गर्ने १ सय रुपैयाँमा उपचार गरिने समता हस्पिटलमा हेल्थ असिस्टेन्टका रुपमा कला कार्यरत छिन् ।
२०७५ भदौ १८ गते प्रकाशित
वि.सं.२०७५ भदौ १८ सोमवार १६:१८ मा प्रकाशित
