काठमाडौं । नेपालले अमेरिकामा कुकुरलाई खुवाउने छुर्पी एघार महिनामै ७२ करोडको निर्यात गरेको छ । नेपालको छुर्पी अमेरिकी कुकुरले असाध्य मन पराउने भएकाले अमेरिकाले त्यस्तो छुर्पी नेपालबाट लैजाने गर्छ । व्यापार तथा निकासी प्रवर्धन केन्द्रका अनुसार गत आर्थिक वर्षको ११ महिनाको अवधिमा नेपालबाट झन्डै साढे पाँच लाख किलो छुर्पी निर्यात भएको थियो । जसको मुल्य करिव ८० करोड रुपैयाँ बराबरको भएको केन्द्रको भनाइ छ ।
नेपालबाट प्रत्येक वर्ष छुर्पी निर्यात बढ्दै गएको छ । नेपालबाट सबैभन्दा बढी छुर्पी अमेरिकामा निर्यात हुँदै आएको छ । केन्द्रका अनुसार, गत वर्षको ११ महिनामा नेपालबाट ७२ करोडको छुर्पी अमेरिकामा निर्यात भएको छ । नेपालका पूर्वी पहाडी जिल्लाहरु छुर्पीका लागि प्रख्यात छन् । इलाम, पाँचथर, ताप्लेजुङ, तेह्थुम, सड.खुवासभा, धनकुटालगायत पूर्वी पहाडी जिल्लामा छुर्पी बढी उत्पादन गरिन्छ । त्यसरी उत्पादित छुर्पी अमेरिकी र युरोपेली मुलुकमा पठाइन्छ ।
२०७५ असोज ७ गते प्रकाशित
वि.सं.२०७५ असोज ७ आइतवार ०७:३१ मा प्रकाशित