काठमाडौं । दसैलाई लक्षित गरी सञ्चालनमा ल्याइएका सुपथ मूल्य पसलले डिडिसीको घिउमा प्रतिकिलो ५० रुपैयाँ छुट दिन थालेका छन् । मुलुकभर यस्ता पसल ४७ रहेका छन् । यसैगरी नेपाल खाद्य संस्थाले खसी, बोका, भेडाच्यांग्रामा प्रतिकिलो १० रुपैयाँ छुट दिँदै छ । कात्तिक २७ गतेसम्म सुपथ मुल्यका पसल सञ्चालनमा ल्याइने भएको छ ।
दसैंलाई लक्षित गरी व्यवसायीले छिमेकी मुलुक भारत र नेपालका बिभिन्न जिल्लाबाट ५० हजार खसीबोका भेडाच्याङ्गा उपत्याकामा भित्र्याइँदै छ । व्यवसायीले भारतबाट करिब ४० हजार र बिभिन्न जिल्लाबाट १० हजार खसीबोका भेडाच्याङ्गा ल्याउन लागेको चौपाया खरिद–बिक्री सेवा संघको भनाइ छ । दसैंमा मासुको खपत उच्च हुने भएकाले स्वदेशी उत्पादनले नथेगेपछि ४० हजार खसीबोका भारतबाट ल्याउन लागिएको हो ।
त्यसैगरी बिभिन्न जिल्लाबाट पनि १० हजारको हाराहारीमा खसीबोका भेडाच्याङ्गा ल्याउन लागिएको हो । दसैंमा करिव ५५ करोड रुपैयाँ बराबरको खसीबोका भेडाच्याङ्गाको किनबेच हुने अनुमान गरिएको छ । दर्सैमा सहरी क्षेत्रमा खसी–बोका, भेडाच्यांग्रासहित राँगा, कखुरा, बंगुरको मासुको खपत उच्च हुने भएकाले त्यसको लागि गाउँगाउँबाट पशु ल्याइदै छ ।
व्यवसायीले उदयपुर, सिन्धुली, खोटाङ, सिराहा, सल्यान, दाङ, कैलाली, जाजरकोट लगायत जिल्लाबाट पनि खसी–बोका ल्याउँदै छन् । नेपाल खाद्य संस्थानले करिव चार करोड रुपैयाँका भेडाच्यांग्रा खरिद गरेर ल्याउँदै छ उपभोक्तालाई स्वस्थ्य र सस्तोमा मासु खुवाउने व्यवस्था मिलाउन विभिन्न जिल्लाबाट भेडाच्यांग्रा र खसी–बोका ल्याउन लागिएको संस्थानले जनाएको छ ।
२०७५ असोज १४ गते प्रकाशित
वि.सं.२०७५ असोज १४ आइतवार १०:४९ मा प्रकाशित