back
NMB ad

एक करोड लगानीमा कुखुरापालन व्यवसाय सुरु गरे तनहुँका हिमाल श्रेष्ठले

Kumari bank ad

दमौली । तनहुँ ब्यास नगरपालिका–५ चापाघाट निवासी हिमाल श्रेष्ठले रु एक करोड दश लाख लगानीमा कुखुरापालन व्यवसाय गर्नुभएको छ ।

विसं २०६९ देखि कुखुरापालन शुरु गर्नुभएका उहाँले हाल दुई वटा फार्ममा छ हजार ५०० वटा कुखुरा पाल्नुभएको छ । सो फार्मबाट हाल दैनिक एक हजार छ सय वटा अण्डा बिक्री हुन्छ । प्रारम्भिक चरणमा एक हजार छ सय कुखुराका चल्ला पालेर व्यवसाय थाल्दा श्रेष्ठले रु १७ लाख लगानी गर्नुभएको थियो । अहिले लगानी रु एक करोड दश लाख पुगेको छ ।

“अहिले अण्डा उत्पादन गर्ने कुखुरा बढी उमेरको भएको कारण उत्पादन कम छ,” उहाँले भन्नुभयो, “बढी अण्डा उत्पादन हुँदा आम्दानी दैनिक रु २५ हजारसम्म पुग्छ ।” एउटै कुखुराले २४ महीनासम्म अण्डा उत्पादन गरेकाले अहिले उत्पादन कम भएको भन्दै श्रेष्ठले अब नयाँ चल्ला थप्ने योजनामा हुनुहुन्छ ।

तनहँु अण्डा व्यवसायी सङ्घका अध्यक्षसमेत रहनुभएका उहाँले हाल दमौलीमा मात्रै दैनिक ६५ हजार अण्डाको माग रहेको बताउनुभयो । जिल्लाभर सात लाख अण्डा उत्पादन गर्ने कुखुरा रहेको छ । तनहुँमै उत्पादित अण्डाले जिल्लाको माग धानिरहेको बताइएको छ ।

फार्मभित्र राखिएको १५७ वटा डालोबाट दैनिक तीन पटकसम्म अण्डा सङ्कलन गरिन्छ । बाहिरको हल्लाले कुखुरा तर्सिने भएकाले फार्मभित्र भजनसहितको सङ्गीत बजाइने गरिएको छ । २०५९ सालमा दुबई पुग्नुभएका उहाँले १० वर्षसम्म त्यहाँ काम गर्नुभयो । त्यहाँ कमाई पनि राम्रो थियो तर पैसाले मात्र उहाँलाई आत्मसन्तुष्टि दिलाएन बरु आफ्नै देशमा फर्केर केही गरौँ भन्ने इच्छा जाग्यो । नेपाल फर्केको तीन÷चार महीनासम्म त्यत्तिकै बस्नुभएका उहाँले चितवनमा घुम्न जाँदा साथीहरुले कुखुरापालन गरेको देखेर व्यवसाय थाल्नुभयो ।

श्रेष्ठले २०५६ सालमा सोही ठाउँमा ग्रिनस्टार बोर्डिङ स्कूल स्थापना गर्नुभएको थियो । विद्यालयमा कक्षा ७ सम्मको पढाइ हुन्थ्यो । सशस्त्र द्वन्द्वका कारण त्यसबेला स्कूल बन्द भएकोले रोजगारीका लागि दुबई पुग्नुभएका उहाँले स्ट्याण्डर्ड चार्टड बैंकमा क्यासियर पदमा जागिर खानुभयो । मासिक तलब दुई लाख थियो । त्यहाँ रहँदा राम्रै पैसा कमाउनुभयो र स्वदेशमै फर्केर केही गरौँ भन्ने सोच पनि । “जुन आनन्द विदेशमा थियो त्योभन्दा बढी सन्तुष्टि अहिले यहाँ मिलेको छ,” उहाँले भन्नुभयो, “परिवारसँगै मिलेर व्यवसाय गर्न पाउँदा त्योभन्दा धेरै सन्तुष्टि अन्त गएर गर्दा हुने रहेनछ ।”

श्रेष्ठ दैनिक १५ घण्टा कुखुरा फार्ममा बिताउनुहुन्छ । कामदार भएपनि बिहान ६ देखि राति ९ बजेसम्म कुखुराको स्याहारसुसारका लागि समय छुट्याउने गरेको उहाँले बताउनुभयो । रासस

२०७५ कार्तिक ८ गते प्रकाशित

वि.सं.२०७५ कात्तिक ८ बिहीवार १३:३१ मा प्रकाशित

You can share this post!

राष्ट्रियसभाको बैठक स्थगन   

राष्ट्रियसभाको बैठक स्थगन   

वि.सं.२०८१ जेठ ८ मंगलवार १६:४४

काठमाडौँँ, ८ जेठः राष्ट्रियसभाको आजका लागि निर्धारित बैठक सूचना टाँसेर...

फिनल्याण्डद्वारा जलवायु अनुकूलन कार्यक्रमका लागि एक अर्ब ८७ करोड अनुदान   

फिनल्याण्डद्वारा जलवायु अनुकूलन कार्यक्रमका लागि एक अर्ब ८७ करोड अनुदान   

वि.सं.२०८१ जेठ ८ मंगलवार १६:३२

काठमाडौँ, ८ जेठः फिनल्याण्डले नेपालको स्थानीय जलवायु अनुकूलन कार्यक्रमका लागि...

आज यी १० कम्पनीमा झुम्मिए लगानीकर्ता, कुनको कति भयो कारोबार ?

आज यी १० कम्पनीमा झुम्मिए लगानीकर्ता, कुनको कति भयो कारोबार ?

वि.सं.२०८१ जेठ ८ मंगलवार १५:१२

काठमाडौं । साताको तेस्रो कारोबार दिन सेयर बजारमा दोहोरो अंकको...

सेयर बजारमा हरियाली छाउँदा पाँच कम्पनीको सेयरमा सकरात्मक सर्किट

सेयर बजारमा हरियाली छाउँदा पाँच कम्पनीको सेयरमा सकरात्मक सर्किट

वि.सं.२०८१ जेठ ८ मंगलवार १५:०६

काठमाडौं । साताको तेस्रो कारोबार दिन सेयर बजारमा दोहोरो अंकको...

मधेस प्रदेशमा दुई लाख ५१ हजार परिवारले स्वास्थ्य बीमा गराए   

मधेस प्रदेशमा दुई लाख ५१ हजार परिवारले स्वास्थ्य बीमा गराए   

वि.सं.२०८१ जेठ ८ मंगलवार १४:५०

जनकपुरधाम , ८ जेठ : मधेस प्रदेशमा हालसम्म दुई लाख...

श्रेणीविहीन कर्मचारीको तलब कम्तिमा ४५ हजार बनाउन माग

श्रेणीविहीन कर्मचारीको तलब कम्तिमा ४५ हजार बनाउन माग

वि.सं.२०८१ जेठ ८ मंगलवार १४:३७

काठमाडौं । नेपाल निजामती कर्मचारी युनियनले सरकारले तोकेको मर्यादाक्रम एवम्...