काठमाडौं । तिहार अघि नै बोटलर्स नेपाल तराई, बोटलस नेपाल बालाजु र मेरो माइक्रोफाइनान्सले गत वर्षको लाभांश रकम लगानीकर्ताको बैंक खातामा पठाउने भएका छन् । ती तीनवटै कम्पनीले लगानीकर्तालाई बैंक खाता नम्बर अद्यावधिक गर्न भनेका छन् ।
नेपाल स्टक एक्सचेञ्जमा सूचीकृत तीन कम्पनीले गत बर्षको नाफाबाट वितरण गरिएको नगद लाभांश शेयरधनी दर्ता किताब बन्द भएको दिनसम्म डिम्याट गराएका शेयरधनीको बैंक खातामा पठाउन लागेका हुन् । केही बैंक तथा वित्तीयसंस्थाले गत वर्षको लाभांश रकम अहिलेसम्म घोषणा गर्न सकेका छैन् । तर, यी तीन कम्पनीले सबैभन्दा पहिले लाभांश वितरण गर्ने पस्ताव पारित गर्दैलगानीकर्ताको बैंक खातामा राखी दिन लागेका हुन् ।
गत वर्षको नाफाबाट बोटलर्स नेपाल तराइले चुक्ता पुँजीको ४० प्रतिशत, बोटलस नेपाल बालाजुले २० प्रतिशत र मेरो माइक्रोफाइनान्सले १५ प्रतिशत बोनस र ११.३२ प्रतिशत नगद लाभांश दिने प्रस्ताव साधारणसभाबाट पारित गरेसकेकाले लगानीकर्तालाई वितरण गर्न लागेका हुन् । बोर्टलर्स नेपाल बालाजुको असोज १५, बोटलर्स नेपाल (तराई) को असोज १६ र मेरो माक्रोफाइनान्सको कात्तिक ९ गते साधारणसभा भएको थियो ।
२०७५ कार्तिक १५ गते प्रकाशित
वि.सं.२०७५ कात्तिक १५ बिहीवार ०८:५३ मा प्रकाशित