काठमाडौं । आजदेखि नेपाल स्टक एक्सचेञ्ज (नेप्से) ले सेयर लगानीकर्तालाई अनलाइन प्रणाली सञ्चालन सम्बन्धी तालिम दिने भएको छ । लगानीकर्तालाई अनलाइन प्रणालीमा अभ्यस्त बनाउन आजदेखि देखि २० गतेसम्म अपरान्ह ३ बजे तथा मंसिर २१ गते मध्यान्ह १२ बजे नेप्सेको सभा हलमा प्रशिक्षण दिन लागिएको नेप्सेले जानकारी गराएको छ ।
तालिममा सहभागी लगानीकर्ताले यसअघि नै आफ्नो नाम दर्ता गराइसकेका छन् । प्रशिक्षण कार्यक्रममा सहभागी हुनका लागि आफ्नो परिचय पत्र समेत लैजानुपर्ने छ । तालिममा अनलाइन प्रणालीमा कसरी पहुँच स्थापित गर्ने, कसरी आदेश प्रविष्ट गर्ने, सूचनाहरु प्राप्त गर्ने तरिका, काराबोर विवरण प्राप्त गर्ने लगायत बिषयका बारेमा जानकारी गराइने भएको छ ।
२०७५ मंसिर १६ गते प्रकाशित
वि.सं.२०७५ मंसिर १६ आइतवार ०९:३९ मा प्रकाशित
